past-baland

sft. 1. Boʻyi, balandligi har xil, har xil balandlikdagi.

Past-baland bolalar.

Ufqni oʻz gavdasi bilan toʻsgan past-baland togʻlar qop-qorayib, rido kiygandek silliq koʻrinardi. — Shuhrat, Shinelli yillar

2. Turli tabaqadagi odamlar, katta-kichiklar.

[Oqilova:] Siz mahallaning past-balandini bilasiz. — I. Qalandarov, Shoxidamas, bargida

3. Pastlik va balandliklardan iborat; oʻydim-chuqur, notekis.

Past-baland yoʻl.

Mana, oʻshandan beri bir soatcha vaqt oʻtdi, shahar bogʻlari orqada qolib, oldinda kuygan kalladay tap-taqir dasht, past-baland adirlar boshlandi. — O. Yoqubov, Er boshiga ish tushsa

Ular tor koʻchani changitib, gurs-gurs qadam tashlab oʻtishdi, past-baland tepaliklar etagida toʻxtashdi. — S. Siyoyev, Yorugʻlik

4. Turli ikir-chikir, mayda-chuyda, bordi-keldilardan iborat boʻlgan.

Past-baland gaplar.

Hammada boʻladigandek, tirikchilik vajidan baʼzan oʻrtamizda past-baland gaplar ham oʻtgan. — K. Yashin, Hamza

a uneven, rough, bumpy

oylı-biyik