пардозламоқ

фл. 1. Пардоз бермоқ, силлиқлаб, бўяб, чиройли, жилоли қилмоқ.

[Унсин] Ичкари уйда ўтириб, маҳсиларга шон қоқади, шон туширади, пардозлайди: қора гул, лок суркайди. — Ойбек, Танланган асарлар

Пардозлаш ишлари охирлаб қолган мазкур биноларнинг лойиҳаси чет элдан олиб келингани ёʻқ. — Газетадан

2. кўчма Пардоз қилмоқ, ўзига зеб-оро бермоқ.

Сочларини ювдириб, гул суви билан пардозлаб кўйлак кийдирди. — Ойбек, Навоий.

Қиз-жувонлар ўзларини ҳафсала билан, бир-биридан ўтишга пардозладилар. — Т. Ашуров, Оқ от

3. кўчма Ишлов бериб мукаммаллаштирмоқ, бадиий қийматини оширмоқ, силлиқламоқ.

Халқ ижодчилари куйланиб келган асарларга ўзгариш ва янгиликлар киритганлар, уларни пардозлаганлар. — Ватан адабиёти