парча-пурча

1. Катта-кичик парчалардан иборат, ҳар хил катталикдаги парчаларга бўлинган; бўлтак-сўлтак.

Чўнтакдан катта-кичик михлар, парча-пурча тахтачалар чиқди. — Ойдин, Ўзи монанд

Ердан бир қарич кўтарилган торгина саҳнда, парча-пурча чирик наматлар солинган айвонга паранжисини отди. — Ойбек, Танланган асарлар

Арава ҳам кўҳна, ямоқ-ясқоқ, ғилдирак темиридан унда-мунда парча-пурча қолган: кегайлари шалоқ. — Ойбек, Танланган асарлар

2. Арзимайдиган, кичкина, озгина.

Ҳозирча очган ерларни, менимча, парча-пурча деб ҳисоблаш керак. — Ойбек, Олтин водийдан шабадалар