paranji

ot etn. Koʻpchilik musulmon ayollar begona erkaklarga ochiq koʻrinmaslik uchun boshga yopinib yuradigan, bichimi keng va uzun toʻn shaklidagi, soxta yengli yopingʻich (yuz chachvon bilan berkitiladi).

— Bolalarni roʻyxatga olib kelamiz, — dedi Tozagul qoziqdan paranjisini olib, boshiga yopina turib. — H. Gʻulom, Mashʼal

Zaynab yosh, hali paranji yopinishga ulgurganicha yoʻq edi. — H. Olimjon, Zaynab va Omon

Boyning xotini aravadan tushib, uyga kirib, paranji-chachvonini otib tashlab, koʻzini yoshlabdi. — Luqmoni Hakim