панжа

panja

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

панжа И

от 1. Қўлнинг кафт ва бармоқлардан иборат қисми.

Раис., кенг панжаси билан пиёлани қоплади. — Ойбек, Олтин водийдан шабадалар

Акбарали ҳансирар, панжалари пичоқ дастасини шундай қаттиқ қисиб ушлаган эдики, бўғинлари кўкариб, қон талашиб кетган эди. — С. Аҳмад, Уфқ

2. с. т. Бармоқ.

У буни беш панжасидай билади.

Закот бобидаги барча таомил, қоида ва тартиб каминага беш панжадай аён. — Ойбек, Навоий

Эшмуроднинг панжалари орасида пуфакчалар пайдо бўлибди. — Шуҳрат, Шинелли йиллар

Иккита панжаси шартта узилиб тушди-ю, жон ҳолатда бир қўли билан осилиб, томдан тушди. — С. Аҳмад, Уфқ

3. Баъзи ҳайвон ва қушлар оёғининг уч қисми; чангал.

Айиқнинг панжаси. Бургутнинг панжаси. Ёш қўл — арслон панжаси. — Мақол

Қиррадор тошларга панжалари билан ёпишиб олган калтакесаклар нурсиз кўзларини бақрайтириб, тилларини чиқариб қўйишарди. — Ёшлик

4. кўчма Исканжа. тутқунлик; тобелик.

Бу баҳонада у бечорани ҳам золимнинг панжасидан қутқазиб, ўз севганига қўшиб олиб кетурмиз. — Ҳамза, Паранжи сирлари

Ўнлаб қишлоқни ўз панжасида ушлаб турган Саид Жалолхон эшоннинг панд-насиҳатлари кучлилик қиларди. — С. Аҳмад, Ҳукм

Беш панжани оғзига урмоқ (ёки тиқмоқ) — Сенга неча марта айтдим, — ярим танасини деразадан чиқариб, укасини койиди Малик муаллим, — нафсингни тий, беш панжангни оғзингга тиқма. — А. Кўчимов, Ҳалқа
Панжа орасидан қарамоқ Ишга, масалага расмиятчилик, совуққонлик, бепарволик билан қарамоқ. Нега унинг қилмишларига панжа орасидан қарайсиз? — Ш. Рашидов, Бўрондан кучли

панжа ИИ

от Панжа кўринишидаги шакллари бўлган билагузук тури.