Панегерик

panegerik, madhiya. Umumxalq bayramlarida biror tarixiy voqealar munosabati bilan oʻtkaziladigan koʻp ming kishilik yigʻinlarda soʻzlanadigan tantanavor nutq. Qadimgi Gretsiyada panegeriklar faqat ana shunday oʻrinlarda qoʻllanilgan, xolos. Panegerikda madhning ustunligi eramizdan oldingi V asrlardan buyon mavjud. Keyinchalik panegerikdagi bu madh asta-sekin yarim chin, yarim kesatiq maʼno kasb etib bordi. Qadimgi Rimda hukmdorlarning cheksiz huquqlarini tanqid qilish uchun kesatiq maʼnosidagi panegeriklar koʻplab yaratildi. Yangi Yevropa adabiyotida qadimgi Rim panegeriklariga taqlidan yaratilgan asarlar paydo boʻla boshladi. Panegerik ijodkorlari madhiyachi, panegerist deb yuritiladi. Koʻchma maʼnoda panegerik termini hech qanday asosga ega boʻlmagan ortiqcha madhiyaga va maqtovga toʻla asarlarga nisbatan ham qoʻllaniladi.