ПАМУКСКОЕ ГАЗОКОНДЕНСАТНОЕ МЕСТОРОЖДЕНИЕ

Gʻarbiy Oʻzbekistonning yarim choʻl zonasining janubi-sharq qismida joylashgan boʻlib, maʼmuriy jihatdan Oʻzbekiston Respublikasining Qashqadaryo viloyati Koson tumani tarkibiga qarashlidir. Pomuq strukturasida 1960—61 yillarda seysmik-qidiruv ishlari bajarilgan, 1962 yilda esa struktura quduqlari qazilgan. Hammasi boʻlib 9 ta quduq bir-biridan 3 km oraliqdagi kesma boʻyicha qazilgan. 1963 yilda birinchi chuqur qidiruv qudugʻi burgʻilangan. Kon 1984 yili ishga tushgan. Yura davri karbonat yotqiziqlaridan gaz favvorasi otilib chiqqan va qatlamdagi gaz uyumi sanoat ahamiyatiga molik deb topilgan. Gaz asosan yura davri jinslarining XV, XV—P, XV--RU va XVI gorizontlarida ochilgan. XVI gorizont zich ohaktoshlardan tarkib topgan boʻlib, qalinligi kon boʻylab 78 mdan 97 m gacha oʻzgaradi. Tektonik jihatdan P.g.k. shu nomdagi antiklinal burmaga tutash boʻlib, Dengizkoʻl koʻtarilmasi chegarasida, Chorjoʻy pogonasining shimoli-gʻarb qismida joylashgan. Pomuq strukturasi murakkab tuzilishga ega. Struktu-, Pomuq gazokondensat koni