palov
паловpalov
ot Asosiy masalligʻi guruch, yogʻ, goʻsht va sabzidan iborat, qovurib, qaynatib va damlab tayyorlanadigan quyuq ovqat; osh.
Noʻxatli palov. Mayizli palov,
Xotinlar palovni damlagan vaqtda boy kelib qoldi. — Oybek, Tanlangan asarlar
Nigor oyim sopol laganda palov keltirib, hammalari birga oshga oʻltirdilar. — A. Qodiriy, Mehrobdan chayon
- Ivitma palov Oldindan ivitib qoʻyilgan guruchdan tayyorlangan yumshoqroq palov. Samovar palov Choyxonada sara masalliqlardan yaxshi pazanda tayyorlagan palov. Uning ilgarigi choyxoʻrlari, birga samovar palov yeyishgan ulfatlari Yovariq boʻyida toʻkin dasturxon atrofida oʻtirishibdi. — I. Rahim, Ixlos
- Xalta palov Guruchi alohida xaltada suvda qaynatib, pishirib olingan palov.
- Choyxona palov Yigitsiz oʻchoqda olov qaydadir, Xilvatda choyxona palov qaydadir. — E. Oxunova, Qulogʻingizga gapim bor
- Qovurma palov Masalligʻi obdan qovurib, guruchi ivitmay tayyorlanadigan palov.