pala-partish

rvsh. 1. Ayqash-uyqash, tartibsiz, betartib.

Oʻziyam [uy] anchadan beri supurilmagan stullar ham joylaridan surilgan, pala-partish qoʻyilgandi. — O. Yoqubov, Ayamajiz

Uning yogʻi chiqib ketgan doʻppi, pala-partish kiyimda kirib kelganiga Onaxon hayron qoldi. — Mirmuhsin, Ildizlar va yaproqlar

2. Bir-biriga bogʻlanmagan, qovushmagan; poyma-poy, gʻaliz.

Pala-partish jumlalar. Pala-partish gapirmoq.

Pala-partish gapga chechan Arabboy yana bir narsa topishi mumkin edi. — P. Tursun, Oʻqituvchi

3. Oʻylamay-netmay qilingan; bemulohaza, chala-chulpa.

Pala-partish ish. Pala-partish ish qilmoq.

4. Oʻylamay-netmay, chala-chulpa ish qiladigan, tartibsiz. Pala-partish odam.

faqat aytilgan ishni chala-chulpa bajaradigan xodim bilan mehnat intizomini buzuvchi, ishda pala-partish xodimning oʻrtasida qanday farq bor? — Oʻzbekiston qoʻriqlari

1. Bir-biriga bogʻlanmagan; poyma-poy, gʻaliz.KARMA KARIŞIK

2. Ayqash-uyqash, tartibsiz.TERTİPSİZ

adv sloppy, disorderly

shala-pala, shalama-shekki

nachlässig, flüchtig, fahrlässig