ozgʻin

озғин

1 ta lugʻatda: Izohli yana 5 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

ozgʻin I

sft. 1. Eti qochgan, etdan tushgan; oriq.

Ozgʻin mol. Ozgʻin sigir.

Nega Zaynab semiz-u, Kumush ozgʻin? — A. Qodiriy, Oʻtgan kunlar

Bola ozgʻin yuzchasini tirishtirib choʻzilib borar edi. — M. Ismoiliy, Fargʻona tong otguncha

2. Qotma, kamgoʻsht; chuvak, ingichka.

Madaminxoʻja esa boshini solintirib, mumdek erib oʻtiradi. Faqat ozgʻin gavdasi ashulaga monand chayqaladi. — M. Ismoiliy, Fargʻona tong otguncha

— Doʻstlarim, — dedi u, ozgʻin barmoqlarini qaychi qilib oʻynar ekan. — H. Gʻulom, Mashʼal

ozgʻin II

sft. kam qoʻll. Yoʻldan ozgan, toʻgʻri yoʻldan chiqib ketgan; aynigan; buzuq.

Gohi mahallar yuragi siqilib, togʻni ham tashlab ketgisi kelar, lekin shunday fikrga yoʻl qoʻymaslik uchun oʻzini ayblab, darhol bu ozgʻin fikrini oʻzidan quvlar edi. — M. Ismoiliy, Fargʻona tong otguncha

Maqoladagi xato haqida xabar berish