oyimtilla

ot 1. Mehnatga tobi yoʻq, qoʻlini sovuq suvga urmaydigan ayol; oqsuyak ayol.

Oyimtilla bu kelin, Ahvoliga bir qarang, Tirnoq qizil, lab qizil, Oʻsmadan qoshlar tarang. — Gʻ, Komilov

[Hayotxon:] Unga men emas, oyimtilla boʻlib, uyda oʻtiradigan xotin kerak-da. — R. Rahmonov, Baxt bilan uchrashuv

2. Yengiltak, tannoz ayol.

— Bu oyimtilla toza yengiltak ekan-ku, — dedi oʻziga-oʻzi Qumri. — Mirmuhsin, Ajrim

3. kest. Soyaparvar, ish yoqmas, xotinchalish erkak.

Oʻsha oyimtillalarning ishini qilolmaydi deb oʻylaysizmi, narximizni koʻpam yerga uravermang. — S. Ahmad, Qadrdon dalalar