ойимча

от 1. тар. Оқсуяклар, шоҳлар, хонлар оиласига мансуб ёш хотин.

Ойимчалар сунбул сочини тарашди, атрофдан қирқ канизи келиб қарашди. — Нигор ва Замон

2. эркл. Нозанин, танноз.

Боғда очилган гул ғунчалар. Ҳолин билмас бир нечалар. Олинг гулгун ойимчалар, Болам алла-ёр, алла-ёр! — Ширин билан Шакар

— Дўстим, кечга меҳмонларни жўнатиб, иккаламиз, ойимчалардан ғалатисини топиб, гашт қиламиз. — Қўлингни бер, шоввоз! — Ойбек, Танланган асарлар

3. кест. айн. Ойимтилла 1.

Кеча келиб, бугун хўжайинлик қилишни сенга ким қўйибди, ойимча. — А. Кўчимов, Ҳалқа

Ҳа, ойимча, эрга теккан бўлсам, хўп қипман, ажаб қипман. Эрга тегиб, ёмон бўлганим ёʻқ. — И. Раҳим, Чин муҳаббат

н lady, cookie (tender mentioning about a young woman)