ОВЕРШОТ

1. бурғилаш қувурларини муфта ёки кулф остидан учта ёки тўртта плашка — пружина (резба чиқарадиган асбоб)лар ёрдамида илинтириш учун фойдаланилади. Агар бурғилаш қувурлари қудуқда сиқилиб, қолса улардан O.ni тезгина ажратиб олиш мумкин. Бундай ҳолларда илинтирувчи метчик ёки колоколлардан фойдаланиш қийин кечади. Бурғилаш қувурларида қудуққа туширилган O.ni ажратиш учун улар бироз таранглаштирилади ва айлантирилади., Овершот

2. Геофизикада бир томони кесилган қувурдан иборат қурилма. О.бурғ қудуғи ичида тутилиб қолган каротаж кабелини чиқазиб олишда фойдаланилади. Бурғилаш ёки насоскомпрессор қувурлардан тахминан 2—2.5м қисми олиниб, унинг пастки томонидан бошлаб юқори ёʻналиш бўйича узунлиги 0.75-1м ва кенглиги каротаж кабелининг эркин ҳаракат қилишига тўсқинлик қилмайдиган ариқча кесилади. Каротаж кўтаргичнинг лебедкасидаги кабелнинг учи шу ариқча орқали қувур ичидан ўтказиб олинади. Маълум кучланишда кабел таранглаштирилади ва бурғилаш қувуридан фойдаланиб қурилма бурғ қудуқга аста — секин туширилади. Тутилиб қолган кабел ариқча орқали бурғилаш қувурининг ичига киради. Тутилган кабелнинг озод бўлганлиги кабелнинг таранглигини ўзгариши орқали назорат қилинади.