oʻtli

ўтли

1 ta lugʻatda: Izohli yana 4 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

oʻtli I

sft. 1. Yonib, nur sochib turadigan.

Bulutlarga oʻragan Quyosh oʻtli yuzini. — Gʻayratiy

Uzoqda qop-qorayib, yarim osmonni toʻsib turgan adirning ustida, ufqda oʻtli iz qoldirib, yulduzlar uchadi. — A. Qahhor, Maston

2. koʻchma Olov purkaydigan; olovli.

Joʻraxon xotirasini oʻtli front yoʻllarida jang qilgan komandirlari va jangchi doʻstlari ham unutganlari yoʻq. — Nazarmat, Joʻrlar baland sayraydi

3. koʻchma Zoʻr haroratli; qaynoq.

Issiq quchoq, oʻtli boʻsadan Tomiringda joʻsh urgan-da qon — Uygʻun

boya shu eshik oynasidan iztirob bilan qaraganini eslab, badaniga oʻtli hayajon yugurdi. — P. Qodirov, Uch ildiz

Olimjonning oʻtli nafasi Oyqizning yuzini isitardi. — Sh. Rashidov, Boʻrondan kuchli

4. koʻchma Gʻayrat-shijoatli, yuragida oʻti bor.

Oʻtli yigit.

Ayniqsa Hasan Rahmat ajoyib oʻtli bir yoshdir. — A. Qodiriy, Obid ketmon

oʻtli II

sft. Oʻt, koʻkat bilan qoplangan.

Oʻtli dalalar. Oʻtli sohil.