ОСВОЕНИЕ СКВАЖИНЫ

қудуқни ишлатишга топширишдан олдин қатламдаги суюқлик ёки газ оқимини ҳаракатга келтириш. Қудуқдаги гидростатик босим қатламдаги босимдан кам бўлганда босимлар фарқи ҳисобига суюқлик оқими юзага келади. Босимлар фарқи қудуқни зичлиги кам бўлган суюқлик ва ҳаво (газ) билан ювиш ёки қудуқдаги суюқлик сатҳини пасайтириш орқали юзага келтирилади. Қудуқ сузгичгача туширилган насос-компрессор қувурлари бирикмаси орқали ювилади. Сиқилган ҳаво ИҚБ билан насос-компрессор қувурлари оралиғига ҳайдалади, компрессор босими суюқликни қудуқ тубига сиқади. Бунда суюқлик газланади, зичлиги камаяди ва қудуқ оғзига қараб ҳаракатланади, баъзан фаввора бўлиб чиқади. Бунда суюқлик сатҳи тезда пасаяди, тубга бўладиган гидростатик босим кескин камаяди, бу жараён қатламдан кучли нефт ёки газ оқимини чақиради. Нефт оқими чегараланган бўлса у ҳолда қатламнинг қудуқ туби зонасига қуйидаги методлар билан таъсир этилади: гидрооқимли тешиш, кислотали ишлов бериш, ўзгарувчан босимли метод, гидравлик ёриш. Қудуқдан саноат миқёсида нефт ва газ оқими олинса, у ишлатишга тавсия этилади., Қудуқни ўзлаштириш