ОСТРОВНЫЕ ДУГИ

okean havzalarini hoshiyalab turgan murakkab tuzilishli strukturalar majmuasi. Morfologik jihatdan zanjirsimon tuzilgan vulkan orollaridan, ularga yondoshgan chuqursuvli novlardan, suv osti tizmalaridan va vodiylaridan iborat. Yo.o. sistemasiga, shuningdek, vulkan yoʻli bilan hosil boʻlmagan orollar va chekka dengizlar ham kiradi. Mavjud Yo.o. sistemasining asosiy qismi Tinch okeanning gʻarbiy chegaralariga toʻgʻri keladi (O.2-rasm). Yo.o.ning uzluksiz zanjiri Aleut orollaridan boshlanadi, keyin Kuril va Yapon yoylariga oʻtadi, soʻng ikkiga boʻlinadi. Asosiy Janubiy shox Idzu-Bonin, Mariana va Palau yoylarini hosil qiladi. Janubi-gʻarb shoxi Yaponiyadan boshlanib Ryukyu orollarigacha, soʻng Tayvan va Filippin orollarigacha davom etadi. Yangi Gvineyaning janubi va sharqida joylashgan, murakkab tuzilishli qisqa Yo.o.ga Yangi Gebrid, Tonga va Kermadek orollari kiradi. Shuningdek, Sumatra-Yavan yoki Zond yoyi, Ja-, Yoysimon orollar