ўсал
oʻsalўсал
сфт. 1. Беморнинг ниҳоятда оғир, ҳеч нарсани билмайдиган ҳолати, тузалишига умид қолмаган оғир касал.
2. Ярамас, ёмон; бемаъни.
Ўсал ишни қилиб бўлган гуноҳкор. Ундайин фарзанднинг ўлмоғи даркор. — Ширин билан Шакар
Аҳмад ўсал бир кайфиятда ўрнидан турди, қўлёзмани олиб, хонадан чиқди. — Ф. Мусажонов, Ҳиммат
Бегижон, бу ишинг ўсал бўлибди, Бойчиборни, билдим, қалмоқ минибди. — Алпомиш
- Ўсал бўлмоқ 1. Оғирлашиб қолмоқ, ўлим олдида ётмоқ. Кампир ўсал бўлиб қолибди.Бемор кундан-кун баттар бўлиб, охири ўсал бўлди. — А. Қаҳҳор, БеморЁлғончининг ўзи ўсал бўлди.У лом-мим дея олмади, ўсал бўлиб, ерга қаради. — Мирмуҳсин, Қизил дурралар
- Ўсал тортмоқ Ноқулай, хижолатли ҳолатда қолмоқ, қаттиқ хижолат бўлмоқ. Оғир дашномлардан ўсал тортиб, сувга тушган мушукдай бўлиб ўтирган Салим бирдан сапчиб турди. — Ҳ. Назир, Ўтлар туташганда
- Ўсал қилмоқ Қаттиқ уялтирмоқ, шарманда қилмоқ. Борса, ё уришиб берар, ё шоир бўлмаган бир сен қолган эдинг, яқинда ариза ва қарорлар ҳам шеър билан ёзиладиган бўлади! — деб кўпчилик ичида ўсал қилар. — А. Қаҳҳор, Сароб