orqali
орқалиorqali
- 1 Biror narsaning ichidan, orasidan, oʻrtasidan yoki ustidan, biror narsa oralab, bir tomondan ikkinchi tomonga. Boqqa hovli orqali kiriladi.Elmurod Ertasiga Krasnovodsk orqali Tbilisiga — harbiy xizmatga joʻnadi. — Shuhrat, Shinelli yillarXaloyiq gurullab. uch eshik orqali zalga kirdi. — A. Qahhor, Qoʻshchinor chiroqlari
- 2 Biror kimsa yoki narsa vositasida, yordamida, yordami bilan. Telefon orqali gaplashmoq. Xat orqali xabardor qilmoq.Hindlar ham boshqa mamlakatlar bilan asosan ingliz tili orqali aloqa qilishadi. — GazetadanElmurod shu koʻpi bir bola orqali Davlatyorni oʻz huzuriga chaqirdi. — P. Tursun, Oʻqituvchi
- 3 Tufayli, sababli. [Yusufbek hoji] Sen bilan iftixor qilmasak-da, sen orqali xijolat chekmasimizga ishondik. — A. Qodiriy, Oʻtgan kunlarMen hali yosh bolaman, Koʻp joyni koʻrganim yoʻq. Lekin kitob orqali Bildim talay yoʻl-yoʻriq. — Q. MuhammadiyBitta siyohdon orqali shuncha gaplarni topib aytish mening xayolimga kelmagan edi. — Shukrullo, Saylanma