ўрмоқ

oʻrmoq

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ўрмоқ И

фл. Ғалла ўсимлиги, ўт, беда ва бошқалар ўсимликни чалғи, ўроқ, комбайн ва шу кабилар билан қирқиб олмоқ.

Арпа ўрмоқ. Қамиш ўрмоқ. Янтоқ ўрмоқ.

Бекбой: Ўроқ яса-тиб беринг, мен ҳам буғдой ўраман, деб жони-ҳолимга қўйдими бу қизча. — Н. Сафаров, Дон

Қоровул шўра ва ялпизларни ўриб, сув урган жойга тиқа бошлади. — Ёшлик

Арпангни хом ўрдими?
Ўроқ ўрмоқ Ўроқ билан ўрмоқ, ўроқ билан ишламоқ. Машраб индамай, ўроқ ўраётган жойига қараб кетди. — О. Ёқубов, Эр бошига иш тушсаСизнинг молларингизга қараган, ўроғингизни ўрган, хирмонингизни янчган бир инсонни биламан — П. Турсун, Ўқитувчи

ўрмоқ ИИ

фл. Толаларни ёки уларнинг бир неча тутамини бир-бирига чалмаштириб тўқимоқ, эшмоқ.

Сочни ўрмоқ. Қамчи ўрмоқ.

Ҳафиза оқ батис кўйлагини кийиб, сочини битта қилиб ўрган эди. — Мирмуҳсин, Умид

Отга чиғаноқли асбобларни тақиб, ёлини қизил латталар билан ўриб, отнинг атрофида айланиб, унга жуда зеб берди. — Ойбек, Танланган асарлар

ўрмоқ ИИИ

фл. шв. Ўрламоқ; ўрмаламоқ.

Ёлғизоёқ ёʻлдан қирга томон ўриб чиқаётган бир тўда аёлларни ўз оғзига қаратиб бора-ётган Маъсумаойнинг сўзини кимдир бўлди. — Н. Сафаров, Дон

Дасталарга чиққан қуртлар, пилла ўраш ўрнига ўриб юрар, якка-якка ўраганлари ҳам пиллани тешиб, яна чиқиб кетган эди. — Н. Сафаров, Олияхон Султонова