ОРГАНИЧЕСКИЕ ВЕЩЕСТВА РАСТВОРЕННЫЕ В ПЛАСТОВЫХ ВОДАХ

yer osti suvlarida erigan holatda molekulyar, kolloid va ion shakllarida uchraydigan organik birikmalar. Yer yuzasidan uncha chuqur boʻlmagan joylardagi yer osti suvlarida organik moddalar koʻp uchraydi. Ayniqsa, yer yuzasidan shimilib hosil boʻlgan grunt suvlari organik moddalarga boy. Organik moddalar asosan oʻsimlik yoki hayvonot qoldiqlari va chiqindilaridan iborat. Ayrim hollarda yuzaroq joylashgan yer osti suvlariga organik moddalarga boy oqova va kanalizatsiya suvlari ham aralashib ketgan boʻladi. Bunday suvlarda organik moddalarning miqdori 10—15 mg/l gacha yetadi. Chuqurroq joylashgan yer osti suvlarida organik moddalar miqdori kamroq boʻladi. Neft va gaz konlari atrofidagi qatlam suvlarida organik moddalarning miqdori koʻp boʻladi. Bunday suvlarda organik moddalarning miqdori 100—150 mg/l gacha, baʼzan undan ham koʻproq boʻlishi mumkin. Bunday suvlarda organik moddalarning asosiy qismini naften kislotalari, fenollar, efirlar, spirtlar va boshqalar tashkil etadi. Bunday suvlarda organik moddalarning miqdori va tarkibi neft va gaz konlarini qidirishda muhim ahamiyatga ega., Qatlam suvlaridagi erigan organik moddalar