оқибат

oqibat

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

оқибат И

от Қадрдонлик, дўстлик туйғуси, меҳр, муҳаббат ва шундан келиб чиқадиган яхши муносабат; мурувват.

Инсоннинг инсонга оқибати узоқ сафарларда билинади. — Газетадан

Ҳа, шуми ҳали, Бўтабой ака, орамизда пулдан ҳам каттароқ нарса — меҳр-у оқибат бор эди-ку. — А. Қаҳҳор, Қўшчинор чироқлари

— Мунаввархон, қоқиндиқ, сиздан келган оқибат шуми? Боққа бир бордингиз-у, бадар кетдингиз,— деб гинахонлик қилиб кўришди амма. — С. Анорбоев, Меҳр

оқибат ИИ

от 1. Охирги якун, натижа.

Ишнинг оқибати.

Агар Болта муаллим уни судраб кетмаганида, оқибати нима бўлиши номаълум эди. — Н. Норқобилов, Тўқнашув

Адолат аризасининг оқибатини кутиб юрди. — И. Раҳим, Чин муҳаббат

2. рвш. Ҳамма нарса (воқеа ёки ҳаракатлар) бўлиб ўтгандан кейин, охири, натижада, охир-пировардида, ниҳоят.

Оқибат шу натижага келинди: майли, Саидийни қисман хабардор қилиш керак. — А.Қаҳҳор, Сароб

Тишченко уни бирмунча вақт шофёрлар курсига тайёрлабди, оқибат киргизиб ҳам қўйибди. А. — Қаҳҳор, Жон фиғон

Тушди сени деб бошима жабр-у ситам, ҳадсиз азоб, Ақл-у ҳушимдан оқибат бегона бўлдим соғиниб. — Ҳамза