оқармоқ

oqarmoq

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

оқармоқ

фл. 1. Оқ тусга кирмоқ, оқ тус олмоқ.

Қор ёғиб, ерлар оқариб қолибди.

Биз меҳнатда топдик бахтимиз, Меҳнатда соч оқарса, майли! — Ё. Мирзо, Ўғил меҳри

Турғун: Ёʻқ. Аксинча, оқарибсиз. Жиндек озиб, яна ҳам чиройли бўлибсиз. — Н. Сафаров, Ҳаёт мактаби

Чинни пиёласимон чаноқлар оқариб кўзга ташланади. — С. Қодиров, Тонг юлдузлари

2. Қонсизланиб ёки қони қочиб, қизилликни ёʻқотмоқ, ранги ўчмоқ, бўзармоқ.

Унинг ранги оқариб кетди.

Умри бир оқарди, бир қизарди-ю, мени қучоқлаб йиғлади. — А. Қаҳҳор, Хотинлар

Собирга қараган эди, у бир оқарди-ю, энгашиб, портфелини титкилашга тушди. — А. Кўчимов, Ҳалқа

3. Ўнгмоқ, рангини ёʻқотмоқ, айнимоқ (кўпинча, бўялган нарсалар ҳақида).

Устидаги гимнастёркаси ёмғирда ювилиб, офтобда ўнгиб, оқариб кетган эди. — И. Раҳим, Чин муҳаббат

Деҳқон нигоҳи жиддий, олийжаноб, устида чакмон, оёғида оқариб кетган маҳси. — Фан ва турмуш

4. Ёруғ бўлмоқ, ёришмоқ.

Кечаси соат тўртданоқ шарқ томон оқара бошлади. Ҳадемай тун оқаради.

Адир томондан уфқ, худди парда орқасидан чироқ ёққандек, оқариб келяпти. — С. Аҳмад, Ҳукм

Машҳар тонги аста-секин оқариб келар, Кўз олдимда содир бўлди Улуғ Қиёмат. — А. Орипов, Йиллар армони

Косаси оқармаган 1. Уйида соғин сигири бўлмаган; косаси сут кўрмаган; Икромжон бундоқ ўйлаб қараса, бу артист-мижоз шериги билан ишлайдиган бўлса, сира косаси оқармайдиган. — С. Аҳмад, УфқЎз ота-онасининг раъйини қайтарган буланинг ҳеч қачон косаси оқармайди! — Мирмуҳсин, Чиниқиш
Оғзи оқариб қолди Сигири туғди ёки уйида соғин сигир пайдо бўлди; доим сут-қатиқ ичадиган бўлиб қолди. Ола бузоқ туғиб олди, Оғзимиз ҳам оқариб қолди. — Ғ, ҒуломХудо хоҳласа, айни қиш чилласида болаларнинг оғзи оқариб қолади, биродар! — Ёшлик.

оқар

Оқадиган, доим оқиб турадиган

Оқар дарё

Демак, бизнинг қилган ишимиз изсиз кетмайдиган, умримиз оқар сувдек бекорга оқмайдиган бўлибди — П. Турсун, Ўқитувчи