oʻnqir-choʻnqir

sft. Yuzasini chuqurliklar va doʻngliklar qoplagan; baland-past, notekis, oʻydim-chuqur.

Foytun Tozabogʻ darvozasiga qarab yana tez-tez past-baland, oʻnqir-choʻnqir yoʻllardan oʻtib borardi. — J. Sharipov, Xorazm

Yoʻlning koʻpi qir va soylik, oʻnqir-choʻnqir boʻlgani uchun, tuyalar chayqalib-chayqalib borar, bundan mening boshim aylanib, koʻnglim ozar edi. — M. Muhammadjonov, Turmush urinishlari

Qoyalar ostida, tepalar tagida, oʻnqir-choʻnqirlarda yashirinib qolgan qor parchalari bahor quyoshining issiq nafasi bilan qozonga tushgan yogʻdek erib, koʻz ilgʻamas jilgʻalarni toʻldirgan holda, soy tubiga ravona boʻlardi. — Sh. Rashidov, Boʻrondan kuchli