ўнгламоқ

фл. 1. Қулай, ўнг ҳолатга олмоқ, келтирмоқ; тўғриламоқ.

Аҳмаджон шошмасдан милтиғини ўнглади. — А. Қаҳҳор, Олтин юлдуз

Қўзибой папкасини ўнглаб олиб, Қудратни бошлаб бораркан, гап орасида сўраб қолди. — Ҳ. Назир, Сўнмас чақмоқлар

2. кўчма Меъёрий ҳолатга келтирмоқ; яхшиламоқ.

Ишини ўнгламоқ.

Селдан, дўлдан зарарланган ғўзаларнинг ўнглаб олиш осон бўлмади. — Газетадан

Сафарали бир нафасга каловланиб қолди-ю, ўзини тезда ўнглаб олди. — Н. Фозилов, Дийдор