оммавий
ommaviyоммавий
сфт. 1. Оммага, кўпчиликка оид; омма, кўпчилик томонидан ёки омма орасида бажариладиган.
Оммавий иш. Оммавий ҳаракат.
Айрим оммавий-даврий нашрларнинг аниқ фуқаролик позицияси ва қиёфаси кўзга ташланмайди. — Газетадан
2. Кенг кўламдаги, кенг кўлам олган.
- Оммавий ахборот воситалари Хилма-хил мазмундаги ахборотларни кенг оммага етказиб берувчи воситалар — даврий матбуот, радио, телевидение ва шу кабиларнинг умумлашма номи. Жаҳон оммавий ахборот воситалари хабарларида айтилишича, учрашув чоғида Украинанинг алянсга қўшилиш масаласи кўтарилмаган. — Газетадан
- Оммавий қирғин қуроллари Душманнинг кучларига, қурол-аслаҳаларига, иншоотларига ялпи талафот етказувчи қуроллар. Айни пайтда, ядровий қуролсизланиш бўйича тадбирлар билан бир қаторда, оммавий қирғин қуролларининг бошқа турлари ҳам тарқалишининг олдини олишга қаратилган саъй-ҳаракатлар амалга оширилиши лозим. — Газетадан