ўлжа

oʻlja

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ўлжа

от 1. Душман устидан ғалаба қилиш туфайли қўлга киритилган нарса.

Ғозилар эрталаб соат ўнларда уйқудан уйғондилар, сўнгра ўлжа ва тутқунларни бўлиш иши бошланди. — С. Айний, Қуллар

Элмурод кечаёқ раисга ваъда қилган, қишлоқда қўлга туширилган ўлжа қуролларни топширди. — Шуҳрат, Шинелли йиллар

Сафарқул ўлжа милтиқларни ўз одамларига кўтартириб, кўчага чиқди. — С. Айний, Қуллар

2. Овда қўлга тушириладиган, тутиб ёки отиб олинадиган нарса; ов.

Ўрмон қатларидан шиддатли овоз, Ўлжасини титар ёввойи махлуқ. — С. Акбарий

Пастлаб келиб, энди ўз ўлжалари устига қўнмоқчи бўлаётган қора қушлар бирдан баландлашди. — П. Қодиров, Қора кўзлар

Кечки пайт улар қармоқларни соҳилга боғлаб қўйиб, каттагина ўлжа билан қайтдилар. — Ш. Холмирзаев, Оғир тош кўчса

Ўлжа қилмоқ (ёки олмоқ) 1. Куч ишлатиб қўлга киритмоқ. Ёш экан, жон ширин, ваҳм олади. Номард бўлса, отни ўлжа қилади. — Ширин билан Шакар