oldin

rvsh. 1. Old tomonda, oldinda; ilgari.

U mendan oldin. Oldin turmoq.

Shu paytda oldin ketayotgan yoʻlovchi tashiydigan avtobus toʻxtadi. — S. Zunnunova, Olov

2. Dastlab, birinchi galda.

Qoʻrqqan oldin musht koʻtarar. — Maqol

U yoqqa borgani hammadan oldin bu yangi oʻqituvchilarning oʻzlari uyalishlari tabiiy edi. — P. Tursun, Oʻqituvchi

3. koʻm. (chiqish kelishigi bilan) Muqaddam, ilgari, avval, burun.

Ovqatdan oldin. Siz kelmasdan oldin. Bundan bir yil oldin.

Undan oldin Toʻlanboy javob qildi. — S. Ahmad, Ufq