ўғри
oʻgʻriўғри
от Ўғирловчи, ўғрилик билан шуғулланувчи шахс.
Ўғрини қароқчи урди. — Мақол
Бир кеча қўрага иккита ўғри тушиб, қоровулнинг оёқ-қўлини боғлаб, оғзига тўппи тиқиб, учта сигир, иккита от, тўртта қўйни ҳайдаб кетди. — А.Қаҳҳор, Қўшчинор чироқлари
Ўғриларни ўлдирганда, Отабекнинг ёнида неча кишиси бўлган? — А.Қодирий, Ўтган кунлар
- Гап ўғриси Ғаразли ниятда бошқаларнинг нима деяётганини билиб олишга, эслаб қолишга тиришадиган шахс. — Даюс, гап ўғриси! — деди Мели полвон. — Чап кўзинг ўнг кўзингга дўст бўлмайди-ю, кўпчиликка эл бўлармидинг? — П. Турсун, Ўқитувчи
- Ўғри тутмоқ Ўғри деб билмоқ, ўғри ҳисобламоқ. Ўзингга эҳтиёт бўл, қўшнингни ўғри тутма. — Мақол
- Ўғри қараш Сездирмай, пинҳона қараш, ўғрилар каби назар ташлаш. Атрофга ўғри қараш қилгандан кейин, бошқа эшикларни маҳкамлаб, секин ўрта эшикка қўл чўзди. — У. Исмоилов, Сайланма