ўғирламоқ
oʻgʻirlamoqўғирламоқ
фл. 1. Ўзганинг нарсасини хуфиёна олмоқ, олиб кетмоқ; қонунга хилоф равишда ўзлаштирмоқ.
Ўғли рўзғорни яхшилаб, овқатларни мўл-кўл қила бошлабди. Отасининг пулини ўғирлаб, харажат қилаверибди-да. — Ойбек, Танланган асарлар
Зуҳур амаким складдан тахта ўғирлаб, қамалиб кетганлар. — Муштум
2. Кимсани бошқаларга билдирмасдан, зўрлаб олиб қочмоқ.
Ҳасаналини болалик вақтида Эрондан киши ўғирлаб келувчи бир одам қўлидан Отабекнинг бобоси ўн беш тилла баробарига сотиб олган эди. — А. Қодирий, Ўтган кунлар
3. кўчма Ўзи бирикиб келган сўз билдирган нарсани хуфиёна олмоқ, ундан айирмоқ, уни ёʻқ қилмоқ.
Жаҳолат ёмон нарса, айланай, одамнинг ақлини ўғирлаб, фожиага етаклайди. — Муштум
Алифдек қоматини сен букдинг, юзларига ажинларни сен солдинг, кўзларидан ажинларни сен ўғирладинг — С. Аҳмад, Уфқ
Домлага қўл уриш билан маҳалланинг файзини ўғирлаган бу аёлни кўрган ҳам, кўрмаган ҳам бир ғазаб билан ёмон кўрар эди. — А. Қаҳҳор, Тўйда аза
- Гап ўғирламоқ Бошқаларнинг гапини тинглаб, билиб олмоқ, эслаб қолмоқ. Ҳоо, қачондан буён инсоф тарозисининг посангисига қараб тош босадиган бўла қолдингиз? Ёқмаса, бу ерда туриб гап ўғирлаб нима қиласиз? — С. Кароматов, Ҳижрон
- Жой ўғирламоқ Керакли жойни банд қилмоқ, меъёрдан ортиқ жой эгалламоқ.
- Фикрўғирламоқ 1. Бировнинг мулоҳазасини ўзиники қилиб олмоқ; Анвар Раънога ўнгланиб ўтирди: — Фойдаси ёʻқ, энди фикрни ўғирладинг. [Раъно:] Мен фикр ўғриси эмасман. — А. Қодирий, Меҳробдан чаён