ОФИОЛИТЫ

Shteyman (1905) fikricha, burmalanish oblastlarida mustaqil struktura element (tor uzoqqa choʻziluvchi mintaqa)larini hosil qiluvchi effuziv, intruziv va metamorfik jinslar majmuasi. O. tarkibi kremniy, yashmoidlar, pillou-toleitli bazalt lavalar, dolerit va diabazlarning parallel daykalari, gabbroidlar, peridotitlardan iborat. Chekka dengiz-okean tubi kesimiga mos keladi. Ularni burmalanish oblastlari tarkibiga kiritilishining asosiy sababi, okeanlarning tutashish va kontinentlarning yoysimon joylashgan orollar bilan toʻqnashish jarayonlarida qadimiy okean poʻsti plastinalarining siljishida koʻrinadi. O. qadimiy geologik davrlarda okeanlar yopilgan chok zonalarni berkitib turadi. Hozirgi sharoitda okean oʻrtaliq togʻ tizmalari, okean orollari va chekka dengizlar O.i ajratiladi. Ular bir-biridan geokimyoviy tavsifi hamda nodir yer elementlari miqdoriga koʻra farqlanadi., Ofiolitlar