{"headword": "ОДОРАЦИЯ ГАЗА", "key": "odoratsiya gaza", "entries": [{"dictionary": {"name": "Neft va gaz sanoati izohli lugʻati", "title": "НЕФТЬ ВА ГАЗ САНОАТИ русча-ўзбекча изоҳли луғат", "kind": "Terminologik", "imprint": "Абидов, Асрор Аббосович; Эргашев, Йўлдошбой; Қодиров, Малик Хафизович (2004). НЕФТЬ ВА ГАЗ САНОАТИ русча-ўзбекча изоҳли луғат. Tashkent: Шарқ» нашриёт-матбаа акциядорлик компанияси Бош таҳририяти.", "url": "https://til.uz/lugatlar/neft-va-gaz-sanoati-ruscha-ozbekcha-izohli-lugat/", "page": "327"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "magistral gaz uzatgich quvurlari, kompressor va gaz taqsimlash stansiyalarida oz miqdorda gazning borligini aniqlash uchun gazga keskin hid beradigan qoʻshimchalar (odorant)lar qoʻshish. Tabiiy va yoʻlakay gazlar konchilik korxonalarida, sunʼiy gazlar esa gazni ishlab chiqaruvchi zavodlarda odoratsiyalanadi. Agarda maʼlum sabablarga koʻra taʼminotchi tomonidan gaz odoratsiyalanmasa, bu jarayon gaz taqsimlash stansiyalarida bajarilishi shart. Odorantlar quyidagi talablarga javob berishi lozim: 1. Odorantning keskin qoʻlansa hidi xonadon va sanoat korxonalarida boʻladigan hidlardan keskin farq qilishi kerak. 2. G.o.da ishlatiladigan odorantlar va ular yonganda hosil boʻladigan mahsulotlar miqdori fiziologik xavfsiz boʻlishi, quvur uzatgich, qurilma, uskuna va ularni tutashtirishda qoʻllaniladigan qistirma yemirilish, zanglash jarayonlarini hosil qilmasligi kerak. 3. Odorant qaynash temperaturasi past suyuqlik boʻlib, gaz uzatgich quvurlarining ishlashida uning bosimi yuqori toʻyingan boʻlishi kerak. 4. Gaz uzatgich quvurlarida hosil boʻladigan suvda va kondensatda odorant bugʻlari kam eriydigan boʻlishi lozim. Koʻpincha G.o.da odorant holida etilmerkaptan C₂H₅SH ishlatiladi.", "examples": []}], "translations": [], "cross_references": [], "extra": {"raw_word": "ОДОРАЦИЯ ГАЗА — Газни одорациялаш", "raw_meaning": "магистраль газ узатгич қувурлари, компрессор ва газ тақсимлаш станцияларида оз миқдорда газнинг борлигини аниқлаш учун газга кескин ҳид берадиган қўшимчалар (одорант)лар қўшиш. Табиий ва йўлакай газлар кончилик корхоналарида, сунъий газлар эса газни ишлаб чиқарувчи заводларда одорацияланади. Агарда маълум сабабларга кўра таъминотчи томонидан газ одорацияланмаса, бу жараён газ тақсимлаш станцияларида бажарилиши шарт. Одорантлар қуйидаги талабларга жавоб бериши лозим: 1. Одорантнинг кескин қўланса ҳиди хонадон ва саноат корхоналарида бўладиган ҳидлардан кескин фарқ қилиши керак. 2. Г.о.да ишлатиладиган одорантлар ва улар ёнганда ҳосил бўладиган маҳсулотлар миқдори физиологик хавфсиз бўлиши, қувур узатгич, қурилма, ускуна ва уларни туташтиришда қўлланиладиган қистирма емирилиш, занглаш жараёнларини ҳосил қилмаслиги керак. 3. Одорант қайнаш температураси паст суюқлик бўлиб, газ узатгич қувурларининг ишлашида унинг босими юқори тўйинган бўлиши керак. 4. Газ узатгич қувурларида ҳосил бўладиган сувда ва конденсатда одорант буғлари кам эрийдиган бўлиши лозим. Кўпинча Г.о.да одорант ҳолида этилмеркаптан C₂H₅SH ишлатилади."}}]}