ОДНОВРЕМЕННО-РАЗДЕЛЬНАЯ ЭКСПЛУАТАЦИЯ ПЛАСТОВ

Умумий қудуқда сизилиш характери турлича бўлган қатламларни айрим ишлатиш. Қудуқ тубидаги босим ҳар хил бўлганда махсус ускуналар ёрдамида бажарилади. Қ.б.й.-а.и. ишлаш обектини қамраб олишни ошириш ва қатламларни ишлаш тезлигини баробарлаштириш учун қўлланилади. Q.b.y.-a.i.ni кўп қатламли кон кесимида жинсларнинг коллекторлик (ўтказувчанлиги, ғоваклиги) ва флюидларнинг физик хусусиятлари (қовушқоқлиги таркиби), ётиш шароитлари (қатлам босими, газ қалпоғи) бирбиридан кескин фарқ қилганда қўлланади. Q.b.y.-a.i.ni қўллаш учун қатламлар мустаҳкам жинслардан ташкил топган ва улар орасидаги масофа (максимал босимлар фарқида суюқликларнинг оқиб ўтишини ишончли бартараф этувчи) сементли ҳалқани ҳосил қилиш ва пакерни ўтказиш учун етарли даражада бўлиши лозим. Сементли ҳалқанинг ҳар 1 м баландлигига босим фарқи 2 Мпа дан катта, пакерни ишончли ўтказиш учун баландлик 3 м дан кам бўлмаслиги керак. Q.b.y.-a.i.da фойдаланиладиган асбоб-ускуналар қатламларни ишончли ажратиши, ҳар бир қатламда қудуқ туби босимини юзага келтириши, қатлам дебитини ўлчаш имконини бериши ҳамда қатлам очилганда қудуқда бажариладиган ҳамма технологик ишларни амалга ошириши керак., Қатламларни бир ёʻла-айрим ишлатиш