ОДНОВРЕМЕННО-РАЗДЕЛЬНАЯ ЭКСПЛУАТАЦИЯ ПЛАСТОВ

Umumiy quduqda sizilish xarakteri turlicha boʻlgan qatlamlarni ayrim ishlatish. Quduq tubidagi bosim har xil boʻlganda maxsus uskunalar yordamida bajariladi. Q.b.y.-a.i. ishlash obyektini qamrab olishni oshirish va qatlamlarni ishlash tezligini barobarlashtirish uchun qoʻllaniladi. Q.b.y.-a.i.ni koʻp qatlamli kon kesimida jinslarning kollektorlik (oʻtkazuvchanligi, gʻovakligi) va flyuidlarning fizik xususiyatlari (qovushqoqligi tarkibi), yotish sharoitlari (qatlam bosimi, gaz qalpogʻi) birbiridan keskin farq qilganda qoʻllanadi. Q.b.y.-a.i.ni qoʻllash uchun qatlamlar mustahkam jinslardan tashkil topgan va ular orasidagi masofa (maksimal bosimlar farqida suyuqliklarning oqib oʻtishini ishonchli bartaraf etuvchi) sementli halqani hosil qilish va pakerni oʻtkazish uchun yetarli darajada boʻlishi lozim. Sementli halqaning har 1 m balandligiga bosim farqi 2 MPa dan katta, pakerni ishonchli oʻtkazish uchun balandlik 3 m dan kam boʻlmasligi kerak. Q.b.y.-a.i.da foydalaniladigan asbob-uskunalar qatlamlarni ishonchli ajratishi, har bir qatlamda quduq tubi bosimini yuzaga keltirishi, qatlam debitini oʻlchash imkonini berishi hamda qatlam ochilganda quduqda bajariladigan hamma texnologik ishlarni amalga oshirishi kerak., Qatlamlarni bir yoʻla-ayrim ishlatish