ОЧИСТКА БУРОВОГО РАСТВОРА

quduqdan chiqayotgan eritmani u olib chiqayotgan jins zarralari va gazdan tozalash. Quduq tubidan ogʻzi tomon harakatlanayotgan burgʻilash eritmasi uning devorlarini loylashi, maydalangan zarralarni muallaq holda tutib turishi hamda ularni yer yuzasiga olib chiqishi lozim. Shu bilan birga, u bunday zarralar va gazdan oson tozalanishi, soʻngra quduqqa yana qayta haydalishi kerak. Agar yer yuzasida burgʻilash eritmasi tozalanmasa, u qisqa vaqtda maydalangan zarralar bilan boyib, burgʻilashga yaramay qoladi. Shuningdek, bunday eritmalar burgʻilash uskunasining muddatidan avval yeyilib ketishiga hamda burgʻilash chogʻida turli murakkabliklar kelib chiqishiga sababchi boʻladi. Gaz va havoning boʻlishi ham uning xossalarini buzadi, burgʻilash koʻrsatkichlarini pasaytiradi, gidrostatik bosimni kamayishi hisobiga juda ogʻir murakkabliklar keltirib chiqaradi. B.e.t. uchun ikki xil: mexanik tozalash va markazdan qochma kuch yordamida tozalash qurilmalari mavjud. Eritmalarni mexanik tozalashda turli oʻlchamdagi elaklardan foydalaniladi, yirik zarralarni ajratishda diametri kattaroq, maydalarini — kichikroq elaklardan oʻtkaziladi. Lekin qovushqoq eritmalar mayda teshikli elakdan oʻtmaydi, shu sababli, markazdan qochma kuch taʼsirida tozalash quril-, Burgʻilash eritmasini tozalash