ochiqchasiga

1. Yashirmasdan, toʻppa-toʻgʻri, ochiq, roʻyirost.

Ochiqchasiga tanqid qilmoq.

Mirvali Eralining soʻnggi soʻzidan keyin aytar gapini yoʻqotdi, endi ochiqchasiga gaplashish payti keldi, deb oʻyladi. — S. Ahmad, Jimjitlik

Shunday ekan, kel, ochiqchasiga gaplashaylik. — T. Ashurov, Oq ot

2. Tap tortmasdan, uyalmasdan; hayosizlik bilan.

— Rost, qizlar, — dedi Qumri ochiqchasiga oʻtib, — vofurush Qiltiriq maxsumni oʻsha vaqtdayoq axta qildirgan, deyishadi. — A. Muxtor, Opa-singillar