обдан

1. Роса; хўп.

Овқатни хўп чайнаган яхши, гапни обдан ўйлаган яхши. — Мақол

Агар бошқа йигит бўлганида, шу тунда ё обдан калтак ерди, ё қуён бўлиб қочарди — Ҳафизани шарманда қиларди — Мирмуҳсин, Умид

2. Жуда, жуда ҳам.

Шаҳарда бир маҳаллада бўлганимиз учун обдан яхши биламан. — Ойбек, Танланган асарлар

Балиқни димламоқчи бўлсангиз, обдан қиздирилган духовкада димланг. — Саодат

3. Батамом, бутунлай; мукаммал суратда.

Кенжа бригадаси янги ерга обдан ўрнашиб олгунча, колхоздан кўпчилик ҳашарга бориб турди. — Ҳ. Назир, Маёқ сари

Стол турли ноз-неъматлар билан обдан ясатилган. — М. Жабборов, Севинч ёшлари