obdan

1. Rosa; xoʻp.

Ovqatni xoʻp chaynagan yaxshi, gapni obdan oʻylagan yaxshi. — Maqol

Agar boshqa yigit boʻlganida, shu tunda yo obdan kaltak yerdi, yo quyon boʻlib qochardi — Hafizani sharmanda qilardi — Mirmuhsin, Umid

2. Juda, juda ham.

Shaharda bir mahallada boʻlganimiz uchun obdan yaxshi bilaman. — Oybek, Tanlangan asarlar

Baliqni dimlamoqchi boʻlsangiz, obdan qizdirilgan duxovkada dimlang. — Saodat

3. Batamom, butunlay; mukammal suratda.

Kenja brigadasi yangi yerga obdan oʻrnashib olguncha, kolxozdan koʻpchilik hasharga borib turdi. — H. Nazir, Mayoq sari

Stol turli noz-neʼmatlar bilan obdan yasatilgan. — M. Jabborov, Sevinch yoshlari