обба

1. Ҳайрат, таажжуб билдиради.

— Обба, бобожон-эй, — дейман қувончдан энтикиб, — зап қутулиб кепсиз-да? — Х. Тўхтабоев, Ширин қовунлар мамлакати

2. Ачиниш, нафратни билдиради.

— Обба, — дея кўнглидан ўтказди Қорабоев. — Туфламасдан арца ҳам гўрга эди. — С. Аҳмад, Асарлар

— Обба иблис-эй, — деди устозим уф тортиб, — обба лаънати-ей, бу кеча яна ухламабди. — Х. Тўхтабоев, Ширин қовунлар мамлакати

3. Зорланиш, норозиликни ифодалайди.

Обба Жайнақбой, бизнинг кампирнинг тоби қочибди. — Н. Сафаров, Уйғониш