нур
nurнур
от 1. Ёруғлик манбаидан таралган ва ингичка тола кўринишида тасаввур этиладиган зиё, ёғду.
Қуёш нури. Ой хира нур сочмоқда.
2. физ. Мусбат ёки манфий зарралар, электромагнит тебранишлар оқими.
Рентген нурлари. Катод нурлари.
3. Умуман, ёруғлик, зиё; ёруғлик энергияси.
Электр нури.
Балиқ тирик сув билан, Гиёҳ яшар нур билан, Денгиз равшан дур билан, Инсон эркин у билан. — Қ. Муҳаммадий
4. кўчма Ҳақиқат, бахт-саодат, эркинлик, маърифат рамзи.
Билим нури.
Кўча жанги бошланганди. Зулмат билан нур тўқнашган, ҳаёт-мамот уруши бормоқда. — Ш. Тошматов, Эрк қуши
5. Нур (эркаклар исми).
- Нур касаллиги (ёки касали) Радиоактив нурларнинг организмга таъсир этишидан юзага келадиган касаллик. Чернобил авариясини бартараф этишда иштирок этган кўпчилик ватандошларимиз нур касаллигига чалинмасликлари учун профилактика ишлари амалга оширилди. — ГазетаданНатижада японларнинг бир қисми нур касалига мубтало бўлиб қолган. — Ҳ. Ҳасанов, Экватордан ўтганда
- Кўз нури Ардоқли, кўз қорачиғидай азиз киши (асосан фарзанд ҳақида). У [она] Гул-нор каби севикли қизини, кўз нурини оловга отиб, яна унинг бахт ва саодати тўғрисида насиҳат қилиши керак. — Ойбек, Танланган асарлар
- Кўз нурини тўкиб Узоқ, вақт кўз узмай, кучини аямай, қунт билан. Кўз нурини тўкиб ишламоқ.
- Нурало (ёки устига) нур Яна ҳам яхши, кўнгилдагидан ҳам аъло. Ихтиёр ўзингизда, қутлайман десангиз айтиб кўринг, хўп деса — нур ало нур. — М. Исмоилий, Фарғона тонг отгунча
- Нури дийда