Новины

novinalar. Rus xalq ogʻzaki ijodida bilina anʼanalari asosida yangi davr, sotsialistik tuzum voqealarini aks ettiruvchi epik asarlar. Sovet davrida xalq ijodkorlari rus bilinalariga xos uslubiy xususiyatlar, kompozitsion vositalardan foydalanib, V. I. Lenin, S. M. Kirov, V. I. Chapayev kabi shaxslar, revolyutsiya, grajdanlar urushi, Ulugʻ Vatan urushi voqealari haqida asarlar ijod eta boshladilar. Biroq bunday novinalar badiiy jihatdan yuksaklikka koʻtarila olmadi. Chunki yangi mazmunni anʼanaviy qolipga solish, yaʼni mazmun va shakl oʻrtasidagi nomutanosiblik novinalardagi badiiy zaiflikni keltirib chiqardi. Shuning uchun ham hozirgi paytda novinalar ijod etish toʻxtab qolgan.