никоҳ

от 1. Эр-хотинликни шариат ёʻли билан расмийлаштириш маросими ва шу маросимда домулла томонидан ўқиладиган шартнома.

Никоҳ қилмоқ. Никоҳ ўқимоқ.

— Ҳозир Зуҳур маҳсум чиқса, аянгизни чақириб, никоҳ ўқиймиз! — деди домла. — Муштум

Қиз никоҳ ва унинг эртаси бўладиган бутун можарони кўз олдига келтириб, аммасининг оёғига йиқилди. — А. Қаҳҳор, Қўшчинор чироқлари

2. Эр-хотиннинг ўзаро розилиги билан ҳуқуқий жиҳатдан расмийлаштирилган оилавий иттифоқ; эр-хотинлик.

Никоҳ тўйи. Никоҳ тўғрисида гувоҳнома.