НЕФТЕГАЗОПРОМЫСЛОВАЯ ГИДРОГЕОЛОГИЯ

umumiy gidrogeologiyaning amaliy yoʻnalishi. Neft-gaz konlari va strukturalari chegarasida yer osti suvlarining paydo boʻlish, tarqalish va harakatlanish qonuniyatlarini, uyumlardagi neft va gazlarning yer osti suvlarining kimyoviy tarkibiga koʻrsatadigan taʼsirini oʻrganish, shuningdek, konlar ishlashida gidrogeologik sharoitlarining tadqiqoti bilan shugʻullanadi. Uglevodorodlarning paydo boʻlish jarayonlari, uyumlarning shakllanishi va buzilishi, neft migratsiyasi, yer osti suvlarining gaz tarkibi, bosimi va temperaturasining vaqt davomida oʻzgarishi yer osti suvlari bilan uzviy bogʻliq. Shunga koʻra N.k.g. maʼlumotlari neft-gaz konlarini razvedka qilish, burgʻilanadigan quduqlar loyihasini asoslash va qurish, uglevodorod xomashyosining sanoat ahamiyatidagi zaxiralarini hisoblash, neft-gaz konlarini ishlash loyihasini tuzish va amalga oshirish va yer osti gaz omborlarini qurishda zarurdir. Bunday maʼlumotlar quduqlarda suvlarning dinamik va statik sathlarini, qatlam bosimlari va temperaturasini, suyuqliklarning oqib chiqish sarfi, suvli va mahsuldor qatlamlarning mutlaq balandligini oʻlchashni, qatlam suyuqliklari namunalarini kimyoviy tahlilini, shuningdek, gidrogeologik hisoblar va zarur boʻlgan geologik axborotni oʻz ichiga oladi., Neft-gaz konlari gidrogeologiyasi