НЕФТЕГАЗОНОСНЫЕ БАССЕЙНЫ ЭПИПЛАТФОРМЕННЫХ ОРОГЕНОВ

:: конседиментацион структура шакллари (платформа тарраққиёти қолдиқлари) ва ороген ҳаракатларидан ҳосил бўлган янги постседиментацион структура чеккаларининг мураккаб бирикишидан ташкил топган ҳавзалар. Постседиментацион структура шакллари, одатда, ҳавза чекасида турли даражада ифодаланган антиклиналь зоналар ва узилиш зоналаридан иборат бўлиб, одатда, чизиқли йўналган бўлади. Эпиплатформа орогенларининг тор ботиқлиги ҳозирги структура планида палахсали орогенез натижасида ҳосил бўлган грабен-синклиналь ҳолида кўзга ташланади. Ҳавзаларнинг ички қисмлари кўпинча орогенез даврида ташкил топган ер ёриқлари ёки горстсимон кўтарилмалар билан мураккаблашган бўлади, яъни постседиментацион ҳисобланади. Э. о. н.-г. ҳ. бутунлай ёки қисман платформанинг турли структура элементларида — синеклиза, ички ва чекка грабень ва эгилмаларида, шунингдек, қалқон ёнбағирларида жойлашган. Улар икки қаватли тузилишга эга. Пастки қавати платформа формацияларидан, усткиси — ороген формацияларидан таркиб топган. Ҳавзалар кенг тарқалган, энг йирик гуруҳлари Шимолий Америка ва Осиёда мужассамлашган. Шунингдек, Австралия ва Африкада ҳам мавжуд. Ҳозирги вақтгача 28 та ҳавза аниқланган, уларда 300 газ ва 510 нефть конлари мавжуд. Эпиплатформа орогенларининг нефт-газли ҳавзалари