nazar

назар

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

nazar

ot 1. Koʻz qarashi; nigoh.

Nazar solmoq. Nazar tashlamoq.

Yigitning sovuq nazari Madaminxoʻjani shoshirib qoʻydi. — M. Ismoiliy, Fargʻona tong otguncha

Yoʻlovchi yoshlarni birma-bir nazaridan oʻtkazarkan, atrofga alanglab soʻradi: — Idoralaringiz qayerda, yigitlar? — P. Tursun, Oʻqituvchi

Bizning ishimizga ham bir nazar solsangiz-chi. — P. Tursun, Oʻqituvchi

Sidiqjon qip-qizarib ketdi va Zunnunxoʻjaga gapirsangiz-chi! degan mazmunda nazar tashladi. — A. Qahhor, Qoʻshchinor chiroqlari

Oʻqituvchi leksiyaning yarmiga kelganda Yoʻldoshga egilib turgan Hasanga nazari tushdi. — Iboxon, Ulugʻ kun

2. (faqat egalik qoʻshimchasi bilan) Voqea, hodisa, kimsa, narsa va shu kabilar haqidagi subyektiv fikr, ularga boʻlgan qarash.

Xoʻjayinlar nazarida xizmatkor — yarim odam. — Oybek, Tanlangan asarlar

Ishlar Elmurodning nazarida koʻngildagidek davom etayotganga oʻxshar edi. — P. Tursun, Oʻqituvchi

3. Nazar (erkaklar ismi).

Nazar(i)ga (yoki nazari) ilmaydi Mensimaydi, pisand qilmaydi. Menday bir mushtipar kampirni nazaringizga ilib kelibsiz, rahmat. — S. Anorboyev, Oqsoy
Nazarga olmoq yoki nazarda tutmoq Eʼtiborga olmoq, hisobga olmoq. Oʻsha vaqtdagi turmush, oʻsha sharoitdagi bolalikni nazarga olganda, uni kichik mehnatkash deyish mumkin edi. A. Qahhor, Oltin yulduz.
Nazardan qolmoq Eʼtibori yoʻqolmoq, xayrixohlik, yaxshi munosabatdan ayrilmoq.
Nazari past yoki past nazar
Nuqtayi nazar 1. Qarashlar sistemasi, voqea va hodisalarni anglash usuli; konsepsiya. Masalaga moddiy manfaatdorlik nuqtayi nazaridan yondashmoq;Iqlim nuqtayi nazaridan Oʻzbekistonning oʻziga xos xususiyatlari bor.
=dan qatʼi nazar Biror narsaga bogʻliq boʻlmagan holda.