найча

naycha

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

найча И

от 1. Кичик ёки ингичка най.

У ерда ҳам лабораториядагидай эгри-бугри шиша найчалар, шиша идишлар, ўлчағичлар, электрокамера, ҳар хил асбоблар. — С. Анорбоев, Оқсой.

2. махс. Ип ўраладиган найсимон асбоб ёки машина қисми.

Бу ернинг бола-чақаси тили чиқиб, аввал билган сўзи — арқоқ билан тароғу найча билан моки. — А. Мухтор, Опа-сингиллар

3. бот. Полиз экинларида ҳосил бўлувчи тугунча, нишона.

Шу билан ошқовоқнинг тутган найчалари сарғайиб тўкилаверди. — С. Айний, Эсдаликлар

Шаҳарликлар жуда олифта, нозик келишади. Подвалда кўкартирилган картошка уруғининг найчасидан ҳам нимжон. — М. Ҳазратқулов, Журъат

найча ИИ

от Юпқа металл япроқча ўрами (най шакли)дан иборат, чаккага тақиладиган аёллар тақинчоғи.