НАСОСНО-КОМПРЕССОРНЫЕ ТРУБЫ

quduqlarni ishlatish usullarida qoʻllaniladigan, yer osti uskunasiga taalluqli nasos-kompressor quvurlari. Ularni favvoraviy, kompressorli, nasosli, koʻtaruvchi yoki lift quvurlari deb ham atashadi. N.-k.q. sifatida turli guruh mustahkamligidagi (oqish yoki uzilish chegarasi 373 dan 930 MPa gacha) poʻlat, uloqsiz quvurlar ishlatiladi. Ularni shartli diametri 27 dan 114 mm gacha, devorining qalinligi 3 dan 8 mm gacha oʻzgaradi. N.-k.q. uchlari tekis va tashqariga chiqqan (teng mustahkamli) boʻladi. Uchlari tekis quvurlarning uzunligi boʻyicha diametri oʻzgarmaydi, shu sababli, muftali tutashadigan joylarida mustahkamligi biroz boʻshashgan boʻladi. N.-k.q. uzunligi boʻyicha uch guruhga boʻlinadi: I — 5,5 dan 8 m gacha; II — 8—8,5 m; III — 8,5—10 m. N.-k.q. katta chuqurliklarga tushiriladigan boʻlsa katta diametrligi yuqorida, kichik diametrligi pastda joylashadi, zinasimon tuzilishga ega boʻladi., Nasos-kompressor quvurlari