насия

nasiya

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

насия

от 1. Нақд пулсиз, пулини кейин тўлаш шарти билан бўлган ёки бўладиган савдо муомаласи; кредит.

Молни насияга олмоқ. Насияга сотмоқ.

[Мирзакаримбой:] нақд пулга мол чаққон бўлган замонда сиз анча молни насияга сотибсиз. — Ойбек, Танланган асарлар

Жаҳон ота аллакимнинг боқиб қўйган қўзисини насияга олиб келди. — Р. Раҳмонов, Чангалзордаги шарпа

2. Шундай савдо муомаласига мувофиқ тўланадиган пул, қарз.

Энди гап шу: оёқни қаттиқ тиранг. Қозоқлардан насияни тезроқ ундиринг, дурустми? — Ойбек, Танланган асарлар

3. кўчма с. т. Дарҳол бажарилмайдиган, қилинмайдиган, берилмайдиган.

Бу ваъдаларингиз ҳаммаси насия.

Кириб тарвузни қўлига бераман-у, салом-аликни насия қилиб, қуён бўламан. — С. Аҳмад, Сайланма

Насия савдо Амалга ошмайдиган иш; пуч, хом гап. [Мирзакарим Мастурага:] Кел, насия савдони қўй, нақддан гапиравер! — Ҳамза, Танланган асарлар