намоён

рвш. Яққол кўриниб турадиган, гавдаланадиган; очиқ-ошкор, равшан кўриниш, кўрсатиш.

Намоён бўлмоқ. Намоён қилмоқ.

Тонг ёришди. Бурқиган тутун ва чанг орқали шаҳарнинг хароб гавдаси аста-секин намоён бўлди. — Ойбек, Қуёш қораймас

Сайрамов звенолар ишини, худди ойнада кўриб тургандай, яққол намоён қилди. — Ойбек, Олтин водийдан шабадалар.

Келди очилур чоғи — ўзлигинг намоён қил, Парчалаб кишанларни, ҳар томон паришон қил. — Ҳамза

Ҳаёт бутун кўркамлиги билан улар кўзи олдида намоён. — Шуҳрат, Шинелли йиллар

Айцам, куч оламан дўстлик сўзидан, Бу сўзда ўтилган йиллар намоён. — Э. Раҳим.