muvaffaqiyat

ot Biror ishda erishilgan natija, yaxshi natija; yutuq, gʻalaba.

Muvaffaqiyat qozonmoq. Muvaffaqiyatga erishmoq.

Parpixoʻja yogʻchi poyloqchilik, chaqimchilik ishining muvaffaqiyatidan gʻururlanib soʻzlab borarkan, ellikboshi uni toʻxtatdi. — Oybek, Tanlangan asarlar

Dushman qanchalik gangitilsa, uning oʻt ochish nuqtalari qanchalik yemirib tashlansa, hujumning muvaffaqiyati shuncha muqarrar boʻladi. — A. Qahhor, Oltin yulduz

Latofat kandidatlik dissertatsiyasini muvaffaqiyat bilan yoqlab oldi. — L. Tojiyeva, Mehrim sizga, odamlar