mushak
мушакmushak I
ot ayn. Muskul.
Sobir aka ogʻir mehnatdan egilgan, qoʻllari qadoq, mushaklari chayir boʻlib ketgan. — J. Sharipov, Xorazm
- mushak sabzi Sabzining yoʻgʻon, gʻoʻlasimon va uchi toʻmtoq turi.
mushak II
ot Turli tarkibli porox moddalar bilan toʻldirilgan, yoqilganda osmonga koʻtarilib, xilma-xil, ajib ranglar hosil qilib portlaydigan snaryad, raketa (sayil va tantanalarda mushakbozlik uchun, harbiy ishda esa signal berish va yoritish uchun ishlatiladi).
Osmon qaʼriga otilib chiqqan qizgʻish va toʻq yashil mushaklar havoda bir jom zar boʻlib sochilib ketdi. — O. Yoqubov, Izlayman
Salyut ham boshlandi. Rango-rang mushak Hisor vodiysini qildi charogʻon. — Gazetadan